今日放工去游水，
可能實在太攰我係池邊抖左一陣，
開始留意泳池入面其他人。
有堆好嘈既家長同小朋友玩得勁開心；
有個爸爸不停比個仔用水槍射依然不停比反應；
有一個應該係小學生既男仔不停大叫：
「我會死架！真係會死架！」
扶住佢既男士好惡咁一直答佢：「咁你浸死啦！我放手你自己浸死！」
望左一陣，
我估係一個爸爸「教緊」個仔游水⋯⋯
有幾次個男士放手比個男仔成功游左幾下之後，
佢重複好寸咁問：「你有無死到丫？有無死到丫？」
直到個小朋友擰頭然後繼續接受「教導」。
作為旁觀者既我個腦不斷浮現：
1 呢個小朋友點會鍾意游水丫！
2 唔識游水其實唔使死掛？唔識寫字我都明你點解鬧佢，唔識游水啫！
3 不如用返我阿婆教我阿媽個套，就咁掉個女落水算啦！
之後有一part幾得意，
個男士示範點上水呼吸，
個小朋友係男士每次上水都潑水干擾個男士呼吸！
#人地兩父子有自家相處模式關你咩事
#真𥄫仔
#到底邊個想邊個死
#可能個細路真係好鬼曳
Search